» Gwneud cais am Grantiau Cymunedol «

MAE'R GRONFA HON BELLACH WEDI CAU A BYDD YN AILAGOR YN 2026

Nod ein Cronfa Gymunedol newydd yw cefnogi gweithgareddau sy'n mynd i'r afael ag elfen o angen cymdeithasol, annog cynhwysiant a helpu ein cymunedau i ddod yn fwy gwydn. Rydym yn credu bod pobl yn deall beth sydd ei angen yn eu hardal leol yn well nag unrhyw un. Felly, mae'n bwysig i ni fod eich prosiect yn cynnwys eich cymuned yn y gwaith o ddylunio, datblygu a chyflwyno'r gweithgareddau rydych chi'n eu cynllunio.

MATHAU O BROSIECTAU
- Gweithgareddau grwpiau cymdeithasol a diwylliannol sy'n annog cynhwysiant
- Gweithgareddau hamdden sy'n hyrwyddo iechyd a lles ar gyfer yr henoed a phobl ifanc,
- Gwella hygyrchedd i bobl ag anabledd,
- Prynu offer, ymgymryd â mân waith atgyweirio, ail-addurno mannau cyhoeddus sy’n cael eu rhannu
- Cymorth tuag at filiau gwasanaethau ar gyfer mannau cyhoeddus sy'n dod â phobl at ei gilydd
- Gweithgaredd sy'n mynd i'r afael â cholled, ynysu neu unigrwydd,
- Gweithgaredd i annog newid a chefnogaeth i bobl sy'n profi gwahaniaethu a/neu weithio er mwyn herio gwahaniaethu a/neu bobl sy'n profi caledi ariannol.
- Nid yw hon yn rhestr gynhwysfawr. Canllaw yn unig yw hi yr ydym yn gobeithio fydd yn ysbrydoli syniadau i ddod â newid cymdeithasol cadarnhaol i'ch cymuned.
AM FAINT O ARIAN Y GALLWCH CHI WNEUD CAIS

Mae'r grantiau sydd ar gael yn amrywio o £500 i £2,000.
CYMHWYSEDD
Wedi'i gyfyngu i brosiectau ym Mhowys neu sydd o fudd i bobl Powys – ymgeiswyr o'r gymuned leol sy'n byw yn lleol, ger yr ŵyl.

Sefydliadau gwirfoddol a chymunedol, grwpiau awdurdodau lleol, canolfannau cymunedol, canolfannau hamdden, ysgolion (yn enwedig ysgolion anghenion arbennig), grwpiau ieuenctid a mannau cynnes.

Ni fyddwn yn derbyn ceisiadau ar gyfer y canlynol:
- Gweithgaredd sydd eisoes wedi digwydd neu sy'n dechrau cyn inni anfon ein penderfyniad i chi
- Unigolion
- Unig fasnachwyr
- Sefydliadau sy'n canolbwyntio ar wneud elw a rhannu'r elw hwnnw’n breifat – gan gynnwys cwmnïau cyfyngedig gan gyfranddaliadau, sefydliadau heb y cloeon asedau cywir, neu sefydliadau sy'n gallu talu elw i gyfarwyddwyr neu gyfranddalwyr
- Sefydliadau y tu allan i Bowys
- Astudiaethau dichonoldeb, ymgynghoriad cyhoeddus a gweithgareddau sy'n gysylltiedig â llunio polisïau
- Grwpiau ffydd neu wleidyddol a/neu weithgareddau sy'n hyrwyddo safbwyntiau crefyddol neu wleidyddol
- Ceisiadau a wneir gan un sefydliad ar ran sefydliad arall
SUT I WNEUD CAIS

MAE'R GRONFA HON BELLACH WEDI CAU A BYDD YN AILAGOR YN 2026

Anfonwch eich cais i ni at info@greenmantrust.org.uk, mewn dogfen nad yw'n fwy na 2 ochr A4, maint ffont heb fod yn llai nag 11pt, gan nodi’r manylion canlynol:

Enw eich prosiect

Ble bydd eich prosiect yn cael ei gynnal

Ar gyfer pwy mae eich prosiect a beth yw nifer disgwyliedig y buddiolwyr

Eich syniad – beth hoffech chi ei wneud

Effaith eich prosiect – sut y bydd yn gwella bywyd yn eich cymuned

Pryd y bydd eich prosiect yn digwydd ac am ba hyd

Cyfanswm cost y prosiect ac am faint o arian ydych chi'n ymgeisio

Gallwch gynnwys hyd at 1 dolen i we-dudalen neu fideo sy'n berthnasol i'ch prosiect neu hyd at 2 o ddelweddau (maint ffeil heb fod yn fwy na 2MB)

Bydd arnom hefyd angen cyllideb sy'n rhoi manylion y gwariant a'r incwm yr ydych yn ei ragweld, gan gynnwys unrhyw gymorth ar ffurf nwyddau. Rydym yn fodlon bod yn unig ariannwr eich prosiect ac nid oes angen i chi gael arian cyfatebol yn barod pan fyddwch yn gwneud cais.